بچوں کو مٹھائی کا ٹکڑا دیجیے تو وہ کتنے خو ش ہوتے ہیں اور اپنی پیاری پیاری اداؤں سےآپ کی محبت کا کتنا خوشگوار صلہ دیتے ہیں۔ محبت و شفقت کا یہی طریقہ بچوں کی تربیت کے لیے بر سرِ کار لایئے۔ انھیں چمکاریئے۔ اپنے پاس بٹھایئے اور اللہ کے آخری رسول اور نبی محمد ﷺ کی حدیثیں سنایئے۔ مدرسے یا اسکول جانے والے بچوں کو تین دن میں کم سے کم ایک حدیث ضروری اد کرایئے۔ اس کے معنی اور مفہوم واضح کیجیے۔ پھر اس پر عمل کی اہمیت، فضیلت اور افادیت بتایئے۔ ان پر اچھی طرح روشن کر دیجیے کہ ہمارے راہبر اعظم صرف محمد ﷺ ہی ہیں۔ اللہ کے حکم اور رسول اللہ ﷺ کی سنتوں پر عمل کرنے سے دنیا میں عزت اور سرفرازی ملتی ہے اور آخرت میں جنت کے سدا بہار باغ عطا کیے جاتے ہیں۔ صحیح بخاری اور صحیح مسلم کی احادیث کا یہ منتخب گلدستہ علم و عمل کی شمعیں فروزاں کرنے کے لیے ہی شائع کیا گیا ہے۔ یہ تحفہ اپنے بچوں کو بھی دیجیے اور عزیز و اقارب کے بچوں کو بھی پیش کیجیے۔ ان شاء اللہ ! خیابانِ حدیث کا یہ مقدس تحفہ آپ کے گھروں میں اسلام کی صالح تہذیب کا اُجالا کردے گا۔